يوميات طالب هندسة - الجزء التالت

نيجي بقى لتالت يوم....و ما أدراك ما تالت يوم....و كالعادة ببص في الجدول اللي مكتوب بدافينشي كود ده....هو الجدول بيقول إيييييه؟  إنهاردة محاضرات..رياضة وفيزيا (غير الفيزيا بتاعت الجزء التاني) و إسقاط

في الحقيقة أنا مش فاكر في الرياضة غير إن الدكتور كان إسمه "د/حسين طبلية" ودي أول  وآخر محاضرة جبر حضرتها....ليه؟!..

.أقل حاجة و ببساطة شديدة الليميتس طلع إسمها "نها" ...والباور طلع إسمه "أُس"...و هو قال أُس دي من هنا و أنا روحت فاتح السرينة "أوس أمك" و رحت طالع

الفيزيا بقى..و دي محاضرة حرارة...التانية بتاعت الوزن كانت "خواص مادة".....الدكتور بتا الحرارة أنا خايف أكتب إسمه عشان لو عرفني هيفشخني.....و قبل ما أحكي اللي حص في المحاضرة هحكيلكوا موقفين حصلوا مع واحد أعرفه..شال فيزيا بسبب الراجل ده

الطالب دا أكبر مني بتلت سنين تقريباً....المهم..الطالب دا كان "بيشاغب في المدرج و كدة"..و حصل التالي"

"حبيبي,إسمك إيه؟"

"إسمي مجدي"

"طيب بص يا مجدي...شعرك دا مش عاجبني...فا يا تحلقوا يا متخشليش تاني"

"حاضر يا دكتور"

طبعاً مجدي محلقش...بس مدخلوش و حضر لدكتور تاني في مجموعة تانية....غلطة مجدي إنه خلى الدكتور ده يعرفه...دا مبينساش....و وقع مجدي مع الدكتور دا في الشفوي...و حصل التالي

"إيه  يا مجدي عامل إيه؟"

"الحمد لله يا دكتور"

"محلقتش ليه يا مجدي"

"معلش بقى مجتش فرصة"

"مجتش فرصة؟! طيب و ماله...و مالك عرقان كدة ليه؟!"

"معلش يا دكتور الطابور طويل و كدة"

"طيب إفتح الشباااك عشان يجيلك هوا ساقع"

*فتح مجدي الشباك*

"إطلع برا....إنت ساقط"

مجدي طبعاً مش هيسكت...سب الدين كان زي الترايدنت البطيخ في بؤه....و عمل مشاكل و المشكلة وصلت للعميد....العميد طبعاً إستدعى مجدي و جاب الدكتور و حصل الآتي

العميد : "إيه اللي حصل يا دكتور؟"

الدكتور: "خلي مجدي يحكي"

و حكى مجدي الحكاية بالتفصيل لحد الحتة بتاعت الشباك اللي إتفتح

و مرة واحد الدكتور قال.."بااس" أقف عندك..أنا قولتلك إفتح الشباك عشان الهوى الساقع يدخل،صح؟ إنت لو مذاكر كنت هتقوللي لأ عشان الهوا الساقه مش هيدخل..الهوا السخن هو اللي هيطلع عشان الحرارة بتنتقل من البارد للساخن".....و إذ بالمعيد يقول لمجدي"إطلع برة يا ساقط"....يا عيني عليك يا مجدي يا إبني

عاد مجدي السنة....وقابل الدكتور السنة اللي بعدها ...و حصل نفس الحوار بالظبك بس أوسخ في إمتحان الشفوي..

"إنت تاني يا مجدي"

"أيوة أنا يا دكتور"

"محلقتش برضه يا مجدي"

"لا يا دكتور....و مش هفتح الشباك المرة دي أنا مذاكر"

"طيب عشان إنت مذاكر هسألك أسئلة عبيطة"

"شكراً يا دكتور"

ماشي يا مجدي....الدقيقة فيها كام ثانية""

"60 طبعاً"

"طبعاً؟....و الساعة فيها كام دقيقة"

"60 برضه"

"آخر سؤال:اليوم في كام ساعة؟"

"24 يا دكتور" 

"برة إنت ساقط"

إستيقظ الخنزير بداخل مجدي و سحب شخرة مدوية بت مرة سمعت الكلية كلها.....و كالعادة طلعوا للعميد...وحكى مجدي الموضوع...و قاطعه الدكتور قائلاً "لو اليوم في 24 ساعة ....ليه بنزود كل أربع سنين يوم اللي هو 29 فبراير؟ "...و قبل ما العميد يتكلم ...مجدي قال..."أنا طالع من غير ما تقول"...المفرض نبني لمجدي تمثال

شال مجدي الفيزيا...بس طبعاً ما عادش السنة..و إتضطر يتخصص أي حاجة

نرجع بقى للمحاضرة...دخل الدكتور و هو سلفي إخواني دقنه زي دقن شيوخ القنوات الدينية دي....دخل بالبالطو (مش عارف ليه!) ..و دخل "بصوا ..تبقى أمك داعية عليك لو سألتك على إسمك...إفضل فكر قبل ما تقولهولي...و متقلقش...هتقولوا برضه و لو قلته غلط هقوللك هات الكارنيه...و لو طلعت بتكذب..هتطرد برة الكلية و كارنيهك ها يتسحب....." و تعالت الأصوات في المحاضرة.....و أكمل  قائلاً "أنا بتطهدكوا....أنا بقالي 15 سنة في الكلية....و عندي سلطة...مستخدمهاش لييه؟!"...ز إذا بسكوت الليل يحل..و كأن في سطو مسلح على المدرج....بس بصراحة أنا مشفتش حاجة وحشة من الراجل ده....لإني خفت أحضرله بعدها...و هو بيشرح...إتكلم في الكورة...... عشان كان في كلاسيكو بتاع 2-2-اليوم اللي قبلها....علق على المباراة قائلاً" "شوفتوا جون ميسي الفاول؟!...أنا هكلم دكتور أحمد عمارة عشان يدخل الفاول دا في الحركة الدورانية"...مع إني مبشجعش البارسا بس بصراحة إحترمته أكتر...بس محضرتلوش برضه

دلوقتي بقى عندي محاضرة إسقاط كمان عشر دقايق....لفيت اللفة المعتادة...و قابلت زميلة ليا و دخلنا الإسقاط...و ديك أبو أم الملل...فضلنا نلعب "تمبل ران" لحد ما الدكتور أخد باله .."حبيبي أبو أحمر و زميلته اللي جمبه...برة"....يااااااااااه على الراحة...مع إني تقريباً كنت أول واحد أطرد في الدفعة من محاضرة...والمحاضرة كلها مانت بتبص عليا...طلعت لفيت اللفة..و إتعرفت على مباني الكلية...و عرفت إن في مبنى منهم 8 أدوار..ب3 أسانسير...واحد للدكاترة....و واحد مش شغال...و واحد ممنوع للطلاب...و إكتشفت إن في يوم بيبقى عندي في الدور السابع سكشن...الجدير بالذكر إن الأسانسير بيطلع لحد الخامس بس...و بيقف خمس مرات في كل دور.

دا تقريباً أول إسبوع....و دا نسخة مصغرة لكل إسبوع في هندسة..

إستنوا الجزء بتاع الميد ترم و الإمتحانات