كتير قالوا إن الهندسة صعبة......و كتير إشتكوا منها....بس محدش حاول يقول "ليه"؟
طبعاً عايزين تعرفوا الهندسة تفرق إيه عن باقي الكليات؟! أنا هحكيلكوا من أول ما طلعتلي في التنسيق
رحت أول يوم عشان عشان أقدم بقى و كدة ,لقيت طابور طويييييييييييييييييييييييييييل زي بتوع اللعب اللي في دريم بارك.....اللي عرفته إن أول الطابور جوة الكلية....و أنا كنت بعيد عن الباب بحوالي 1000 نفر و شوية
وصلت لباب الكلية بعد ما فضلت واقف لمدة 3 ساعات تقريباً برة لحد ما وصلت للباب....و إتضحلي إن في طابور تاني جوة
.....و كان أطول من الأولاني....المشكلة إن الطوابير مببتحركش....و لما سألت عن السبب قالولي "الناس بتوع شئون الطلبة لسة ماجوش" لا يا راجل؟! أومال الناس اللي دخات قبليا دول راحوا فين؟! "دول دخلناهم في مدرج يقعدوا عشان الشمس".........عندما فقدت الأحا معناها
.....و كان أطول من الأولاني....المشكلة إن الطوابير مببتحركش....و لما سألت عن السبب قالولي "الناس بتوع شئون الطلبة لسة ماجوش" لا يا راجل؟! أومال الناس اللي دخات قبليا دول راحوا فين؟! "دول دخلناهم في مدرج يقعدوا عشان الشمس".........عندما فقدت الأحا معناها
الساعة داخلة على 12 و بتوع شئون الطلبة وصلوا....إتسبلهم الدين 100 مرة طبعاً......و قالوا إن الساعة لو جت إتنين هيقفلوا الباب.......و تعالت أصوات الخنازير(اللي هو الشخرة يعني) حتى من الجنس اللطيف.....بس بحمد ربنا إني وصلت للمكتب الساعة 1:45
و لما وصلت و دفعت 358 جنيه....قالولي "الإسبوع الحاي بقى تيجي عشان الكشف الطبي"....و عندها تحوات إلى كائن لا يعرف غير السب و القذف....و لولا إن صحابي طاعوني بالعافية كان زماني في السجن
روحت عشان الكشف الطبي.....و نفس الطوابير الطويلة....إستحملت و قولت "هو دا آخر يوم و هستريح في الكلية" ...فوجئت إن الدكتورة بتدخل 10 10 بالدور.....و توقفهم جنب بعض و تعدي السماعة على صدرهم....السماعة مقطوعة أصلاً.....و لما سألتها على السماعة المقطوعة...قالتلي "يابني إنت تفهم إيه في السماعات،دي سماعة بلوتوث".....دا على أساس إني متربي في زريبة!!...بعد كدة بتبعتنا لدكتورة العيون..و ما أدراك ما دكتورة العيون...من طرائف الدكتورة : واحد بيقوللها "أنا مش شايف من غير النضارة"....قاتلوا "إلبسها"...قالها "مش شايف برضه"....قالتله تبقى تعمل واحدة جديدة....و كتبتله "نظر :6/6".....أحيييه...يعني يا ولاد المرة موقفينا كل دا عشان ال"كشف" ده؟!
و بدأت كلية الهندسة.....و يا ريتها ما بدأت...رحت أول يوم الساعة 8 زي ما قالوا...لقيتهم بيقولو إن الكشف لسة متعلقش...و إتضح إنه متعلق في حتة تانية غير اللي كنا واقفين فيها...لقيت حتة زحمة كدة زي شباك التذاكر في العيد بالظبط...بس الحمد لله إني طويل..عرفت أجيب إسمي من نص المسافة
بعد ما عرفت إسمي و رقم المجموعة و السكشن قولت أدور على الجدول عشان أشوف عندي إيه..و كان الجدول كالآتي:
كان في في ضهر الورقة كمان...قعدت نص ساعة عشان أعرف إيه ده؟ و إكتشفت إن عندي محاضرة شغالة من نص ساعة......
إستنوني في باقي الحكاية
نعلن لكم الان عن خدماتنا في تأهيلكم لموافاة شروط معادلة كلية الهندسة و هذا من خلالنا الصرح التعليمي الاكبر في القاهرة و الذي يوفر لكم افضل الاساتذة لشرح منهج معادلة كلية الهندسة للدبلومات ببساطة و سهولة و هذا لتوفير أفضل مستوى فهم لكم
ReplyDeleteنحن معكم حتى تحقيق النجاح و التفوق في معادلة كلية الهندسة جامعة القاهرة و الإلتحاق بكلية الحلم