يوميات طالب هندسة - الجزء التالت

نيجي بقى لتالت يوم....و ما أدراك ما تالت يوم....و كالعادة ببص في الجدول اللي مكتوب بدافينشي كود ده....هو الجدول بيقول إيييييه؟  إنهاردة محاضرات..رياضة وفيزيا (غير الفيزيا بتاعت الجزء التاني) و إسقاط

في الحقيقة أنا مش فاكر في الرياضة غير إن الدكتور كان إسمه "د/حسين طبلية" ودي أول  وآخر محاضرة جبر حضرتها....ليه؟!..

يوميات طالب هندسة..الجزء التاني

آخر حاجة وصلتلها إن كان في محاضرة شغالة......المحاضرة بتبدأ 8.30 ......,و الساعة دلوقتي 9 ...قولت أروح أشوف إيه النظام...و بما إن دي أول محاضرة....فا أكيد الدكتور مش هيشرح حاجة....و هيقعد يتعرف علينا و يعرف أسامينا وكدة....

هحكيلوا بس نبذة عن نظام المحاضرة..المفروض إحنا دفعتنا 4000 واحد بالمدبلرين....متقسمين على 6 مجموعات.

يوميات طالب هندسة - 1

كتير قالوا إن الهندسة صعبة......و كتير إشتكوا منها....بس محدش حاول يقول "ليه"؟

طبعاً عايزين تعرفوا الهندسة تفرق إيه عن باقي الكليات؟! أنا هحكيلكوا من أول ما طلعتلي في التنسيق

رحت أول يوم عشان عشان أقدم بقى و كدة ,لقيت طابور طويييييييييييييييييييييييييييل زي بتوع اللعب اللي في دريم بارك.....اللي عرفته إن أول الطابور جوة الكلية....و أنا كنت بعيد عن الباب بحوالي 1000 نفر و شوية

وصلت لباب الكلية بعد ما فضلت واقف لمدة 3 ساعات تقريباً برة لحد ما وصلت للباب....و إتضحلي إن في طابور تاني جوة

ملخص 18 سنة.....

هحكيلكوا على أهم 18 حاجة حصلوا في حياتي

أول سنة طبعاً مش فاكر حاجة

تاني سنة فاكر عيد ميلادي و الهدايا اللي جاتلي فيه

تالت سنة كانت أول مرة أروح مطروح

  رابع سنة دخلت تانية حضانة من غير ما أدخل أولى....على كلامهم كنت ذكي زيادة عن اللزوم ......و أمي ولدت بنت

خامس سنة كانت كلها سبيس تون

سادس سنة اولى إبتداءي و أول عمرة ليا

سابع سنة...ثنتي إتكثرت و بقيت ألدغ في الثين ذي مانتو ثايفين